مقدمة من الشيف /عبير سيد
مده التحضير :15دقيقه
مده التسويه :15 دقيقه
مده التخمير :ساعتين
المقادير
كيلو دقيق
معلقه كبيره خميره فوريه
معلقه كبيره بكنج بودر
2معلقه كبيره سكر
2معلقه كبيره زبادى
2معلقه كبيره لبن بودره
2معلقه كبيره خل ابيض
كوب الا ربع زيت يكون نوعه كويس
ماء دافئ للعجن
للحشو : 250 جرام عجوه مفرومه مع معلقه صغيره سمنه نعجنهم مع بعض ونكورهم كور صغيره
لدهن الوجه : ربع كوب صغير لبن
الطريقه
نحضر كوب وننزل بربع كوب من الماء الدافئ والخميره والسكر ونقلبهم مع بعض ونتركهم لمده 10دقائق لحد ما الخميره حجمها يرتفع
نحضر طبق وننزل بالدقيق والزيت والزبادى والبكنج بودر واللبن البودره والخل الابيض والخميره بعد ما حجمها يرتفع ونقلبهم مع بعض كويس ونبتدى ننزل بالماء الدافئ شويه بشويه لحد ما العجينه تلم معانا نبتدى نقطعها كور صغيره على حسب الحجم اللى انتى عايزاه ونغطيها ونسبها لمده ساعه تختمر
بعد كده نبططها ونرصها فى الصوانى نخلى نصفها ساده والنصف الثانى نحشيه عجوه بعد ما نخلص كل الكميه نغطيها ونسبها تخمر مره تانيه لمده ساعه
نشغل الفرن فوق وتحت ونتركه يسخن قبل ما ندخل القرص فى الفرن بعد ما يسخن ندخل القرص بعد ما ندهن وشها باللبن فى الرف الوسطانى ويكون الفرن على نار هادئه والشوايه وسط لمده ربع ساعه اولحد ما القرص وشها يوصل للون الذهبى اول ما تخرج من الفرن نغطيها حتى تظل طريه دائما.
