تجهيزات لتوفير الوقت والجهد قبل رمضان
تقول الشيف وصال مصطفى إن هناك أفكاراً متعددة للطهى يمكن تجهيزها قبل رمضان لتوفير الوقت والجهد طوال الشهر الكريم لان رمضان على الأبواب (( اللهم بلًغنا رمضان )) و نريد أن نستغل كل دقيقة فيه فى طاعه الله و كل ست بيت نفسها تعمل أحسن أكل و حلويات و مشروبات لأسرتها و نفسها فى نفس الوقت تقرأ أجزاء عديده من المصحف فى نفس اليوم و بيبقى صعب التوفيق بين الإثنين و كمان هناك عزومات و أيام بتضيع فى تحضير العزومه لذلك هانقدم لكم عدة أفكار بتقلل الوقت و الجهد فى المطبخ من أهمها الاتى..
1- قبل رمضان إكتبى إحتياجات البيت ( أكل – مشروبات -توابل – صابون – كركديه – تمر هندى -دوم – ملح …. كل حاجه ..كل حاجه ) فى ورقه و إبتدى جمعيها علشان لا تضطرى تشترى و تنزلى فى رمضان و تضيعى وقتك
2- عمل كميه كبيره من البصل المفروم و تعبئتها فى أكياس و حفظها فى الفريزر.
3- عمل ثوم مفروم و تجميده مفروم فى علبه محكمة الغلق او كيس يكون افضل واسهل … و شوية ثوم مفصص لوحدهم يجمدوا برضو .
4- عمل كميه من عصير الطاطم و تعبئتها فى أكياس فى الفريزر ( و إذا لم تتمكنى من ذلك ممكن تجميد الطماطم كما هى و عند تسييحها حتلاقى قشرتها إنفصلت عنها …إنزعيها و إضربيها فى الخلاط بتبقى كأنها طازجه بالظبط )
5- إعملى كميه من اللحم العصاج و جمديه فى الفريزر و يبقى سهل و جاهز وقت الحاجه
6- عمل كميه من اللحم العصاج المضاف إليه عصير طماطم و ملعقة صلصه و تبليها و جمديها بتنفع لعدة أصناف .. للمكرونات – المسقعه .
7- إعملى كميه كبيره من صلصة الطبيخ : تحمرى البصل فى سمن ثم تحمرى اللحم حتى يتماسك ثم تضيفى عصير الطماطم و تترك حتى يبقى اللحم نصف سوا ثم تضيفى الملح و الفلفل )) و تبقى جاهزه على وضع الخضار فيها و قسميها فى أكياس كل كيس يكفى طبخه و جمديها بدون وضع الخضار فيها
8- إعملى خلطة المحشى (( البصل و الخضره و الطماطم و اللحم المعصج و السمن و الملح و الفلفل )) و ممكن تعطيها غلوه على النار و ممكن لأ… و جمديها للمحشى بدون وضع أرز نهائى .ضيفى الارز قبل عمل المحشى مباشرة .
9- إشترى دماسة فول حجم كبير حتى لا يحدث فوران للفول و هو على النار و يطفى النار
و أتعلمى طريقة تدميس الفول (لو كنتى مش بتعرفى تدمسيه لكى توفرى وقت و جهد كبير بوجود الفول المدمس للسحور فى البيت وقتما تشائين و فننى و نوًعى فى أصناف الفول كل يوم على السحور
. 10- إعملى الزبادى فى البيت و لا محتاج جهاز و لا حاجه خالص … ينفع للسحور و للسلطات مع الفطار و بعض أصناف الحلويات …و يبقى عندك كميه تحت إيديك إ
11- لو عندك شوربه زياده إبتداء من دلوقتى (( عبيها فى أكياس و جمديها )) و شيليها فى الفريزر تنفع فى شوربة الفطار ( الشوربه صنف ثابت طبعاً كل يوم ) فى رمضان و ممكن تعملى بها الملوخيه و الرقاق
12- إعملى عصير المشمش فى البيت و جمديه فى الفريزر
