الشيف عبير سيد تقدم أسهل طريقة لعمل الفراخ المشوية
مده التحضير : 15 دقيقه
مده التسويه : ساعه وربع
المقادير
فرخه متوسطه الحجم
نصف كوب ميه بصل
2معلقه كبيره زبادى
2 معلقه كبيره خل ابيض
معلقه كبيره صلصه
معلقه كبيره بهارات الفراخ المشويه
نصف معلقه صغيره فلفل اسود
مكعب مرق
ملح
معلقه كبيره كاتشب لدهن وجه الفرخه
الطريقه
نغسل الفرخه جيدا بالملح والزنجبيل البورد
نحضر طبق ونضيف الزبادى وميه البصل والخل الابيض وبهارات الفراخ والفلفل الاسود ومكعب مرق والصلصه والملح ونقلبهم مع بعض كويس ونتبل الفرخه ونغطيها ونتركها لمده ليله فى الثلاجه او لو هتعمليها فى نفس اليوم يبقى تتركها فى التتبيله لمده ساعتين بعد كده نحضر صينيه ونملى نصفها ميه ونضع على الصينيه شبكه ونضع عليها الفرخه وندهن وجه الفرخه بالكاتشب وندخلها فرن ساخن مسبقا على الرف اللى تحت لمده ساعه وربع حتى النضج
وقبل ما تخرخ من الفرن بربع ساعه نشعل فحمه على النار واول الفرخه ما تخرج من الفرن نضع الفرخه فى الصينيه ونحضر طبق صغير ونضع فيه الفحمه ونضع الطبق فى وسط الصينيه وننزل بمعلقه من الزيت على الفحمه ونغطيها بورق فويل ونتركها متغطيه لحد ما تاخد رائحه الفحم وبالهنا والشفا.
