إبن البلد صبر وجلد
ماسك سلاحه
و عينه دايما ع البلد
شال روحه بين كفين يديه
في الشده دايما بتلاقيه
و الشمس من الحب إللي فيه
تبتسمله و تلاغيه
إلبس يا جندي البوريه
طول ما إيمانك بالله و بحق دي البلد
*****
فوق الرمال عند الجبال
هوه هناك هوه هنا
حلمه و مناه يبقى الشهيد
علشان يا مصر تبقي حره
و كل يوم في ألف عيد
في الجنه عيدك يا شهيد
و عاش الولد إبن البلد
صبر و جلد ماسك سلاحه
و عينه دايماً ع البلد
*****
وصيته لأهل البلد
لو نال الشهاده تفتكروا ده الولد
لكل أم لكل أب
لكل خال لكل عم
حافظوا عليها دي البلد
الهم يبقى ألف هم
لو تنكسر يوم البلد
و عاش الولد صبر و جلد
ماسك سلاحه و عينه ع البلد
*****
مَحفوظه دايماً في الأمان
يا أم الصبر و الحنان
محفوظه بالقرآن و بكلمه الرحمن
من كل حاقد لو حقد
و شر حاسد لو حسد
إبن البلد صبر و جلد
ماسك سلاحه
و عينه دايماً ع البلد
