مقدمة من الشيف عبير سيد
مده التحضير: ٣٠ دقيقه
مده التسويه: ٤٥ دقيقه
المقادير
نصف كيلو بفتيك
بصله كبيره مقطعه جوليان
٢ حبه فلفل الوان مقطع جوليان
٢ حبه طماطم مقطعه جوليان
نصف معلقه صغيره ثوم مفروم
زيت
ملح
فلفل اسود
بهارات لحمه
ثوم بودر
بصل بودر
قرفه
جوز الطيب
بابريكا
الطريقه
نتبل البفتيك برشه من الملح والفلفل الاسود
نحضر طاسه واول ماتسخن ننزل بحوالى٥ ملاعق كبيره من الزيت بعد الزيت ما يسخن نبتدى ننزل بالبفتيك لمده دقيقه واول البفتيك ما لونه يتغير نقلبه على الجانب التانى يأخد لون لحد ما نخلص كل كميه البفتيك
فى نفس الطاسه ننزل بحوالى ٥ ملاعق اخرى من الزيت ونضيف البصل والفلفل الالوان والطماطم والثوم المفروم والتوابل مع اضافه الملح و نشوحهم مع بعض لمده ٣ دقائق على النار
نحضر طاجن وناخد نصف كميه البصل والفلفل الالوان ونفرشهم فى الطاجن بعد كده نرص البفتيك ونضيف النصف التانى من البصل والفلفل الالوان على البفتيك ونغطيه بورق فويل وندخله الفرن ساخن مسبقا على الرف الأوسط لمده ٤٥ دقيقه ويقدم بالهنا والشفا.
