كشف المؤلف هاني سرحان الكثير من التفاصيل عن أعماله المقبلة، كما خاض في كواليس جزأي الاختيار، وأيضًا عن تجربته الأولى في كتابة سيناريو سينمائي وذلك في حلقته بالبرنامج الإذاعي “الراديو بيضحك” على راديو 90,90 مع الإعلامية فاطمة مصطفى.
وكشف هاني سرحان عن مسلسله القادم في رمضان وقال “بعمل على مسلسل” سوق الكانتو “واللي هيتعرض إن شاء الله في رمضان القادم وتدور أحداثه في حقبة زمنية قديمة وأنا سعيد أوي بالشغل على العمل ده وإن شاء الله يعجب الجمهور”.
أضاف هاني “سوق الكانتو هو أول تعاون بيني وبين الفنان أمير كرارة بس احنا اصحاب بقالنا سنين وكنا عايزين نشتغل مع بعض من فترة “.
كما صرح عن مشروع مجلة حكايات ستي وقال “أنا متحمس اني اعمل حاجة للأطفال فبحضر بقالي فترة لمجلة حواديت ستي وتحكي عن 6 جدات كل جدة باسم وشخصية مختلفة في تيتا اللي بتحب الأكشن وتيت اللي بتحب الكوميدي وتيتا اللي بتحب المغامرات فكل واحدة منهم لها نمط وليها حدوتة وليها شكل”، وأضاف “شاغلني اوي موضوع الأطفال ده لأن واحنا صغيرين كان عندا مجلات كتير بنقرأها وبنشوف القصص عاملة إزاي فأنا بحاول أرجع ده”.
وعن هل هو متخوف بسبب اختلاف جيل الأطفال الحالي عن الجيل القديم في التكنولوجيا صرح” أنا نفسي أنزل أول عدد من المجلة وبعد كدة اتمنى انياقدر احولها فيديوهات على اليوتيوب وابلكيشن وعندي أفكار كتير للأطفال واتمنى اقدر اعمل ده”، وأكمل “
وبعد سؤاله عن مخرج الذي ترغب في التعاون معه كشف عن أول تعاون بيته وبين المخرج تامر محسن وقال “مع الأستاذ تامر محسن في مشروع كبير بس هياخد وقت طويل في التحضير والتنفيذ بس انا سعيد جدًا بالعمل معاه”، وتحدث هاني عن اختفائه عن ساحة الأعمال السينمائية وصرح “كان في فيلم اسمه اللي ميتسموش كنت شغال عليه وإن شاء الله يتصور السنة الجاية”
أما عن رأيه في أفلام عيد الأضحى قال “أنا شوفت بس فيلم عمهم مع أستاذ حسين المنباوي وعجبني جدًا فيلم لذيذ وضحكني جدًا” وأضاف “أستاذ حسين المنباوي مخرج كبير جدًا وكنت عايز اشتغل معاه من قبل ما ابدأ اشتغل معاه لأنه فعلًا مخرج شاطر وبيقدر قيمة النص وانا بتعلم منه كتير”.
وخاض هاني في كواليس جزأي الاختيار، حيث تحدث عن كواليس عرض الجزء الثاني من مسلسل الاختيار عليه وقال” انا شفت الجزء الأول من المسلسل وعجبني جدًا وكان نفسي اشتغل على عمل زي الاختيار بس مجاشفي دماغى خالص اني هعمل جزء تاني منه بس بعدها لقيت بيتر ميمي بيكلمني يقولي يلا نكتب الجزء الثاني وده كان تحدي مرعب بس انا بحب التحديات ووافقت على طول” وعن طريقة معالجة المسلسل وتقسيم مشاهد المسلسل على نجمين كبار قال ” احنا محسبنهاش الصراحة انا كتبت المسلسل على حسب الخطوط الدرامية هتودينا لفين والنجوم كريم عبد العزيز وأحمد مكي فاهمين قيمة العمل وفاهمين بيعملوا ايه كويس وكلنا كنا بنحب بعض جدًا وده ظهر على الشاشة”.
وعن أي أجزاء الاختيار أصعب في الكاتبة صرح ” الثالث طبعًا لأنه كان توثيق مرحلة صعبة في تاريخ مصر الحديث والجزء الوثائقي فيه أكبر وأهم وكل حرف بميزانه” وعن اهتمامه بتقديم فئات الشعب في المسلسل قال ” كان شغلني جدًا إن دي ثورة شعب فالناس لازم تبقى موجودة بشكل فعال عشان الجمهور يرجع يفتكر الاحدث اللي كنا عايشينها ويستحضروا نفس المشاعر اللي كانوا عايشينها في فترة 30/6 فعرضت على دكتور بيتر اني عايز اعمل مجموعه من الشخصيات مش عارفين بعض لكن يتجمعوا في الميدان يوم 30/6 وعجبته جدًا الفكرة فعملت بقى الراجل الشغال في وظيفة حكومية والراجل اللي عنده البزار واللي عنده المطبعة والأسرة المسيحية “.
وأكد هاني عن انبهاره بأداء الفنان ياسر جلال وقال” انا عارف ان ياسر ممثل عظيم وعارف امكانياته وكنت متأكد انه هيعمله حلو بس هو معملهوش حلو بس هو عاملوا خطير ومكنتش مصدق درجة التقمص ونبرة الصوت وهو بذل مجهود مرعب”.
وعن ما يميز المخرج بيتر ميمي صرح “بيتر بيحب شغله جدًا ومخلص لكل التفاصيل”
كما تحدث هاني عن مسلسل الفتوة وصرح” مسلسل الفتوة بيمثلي نقطة تحول في حياتي وكان نفسي اعمله من فترة وانا كنت حابب اقدم مسلسل الشخصيات فيه بتتكلم بطريقة مختلف وعرضته على ياسر جلال قبل مسلسل لمس أكتاف وقلت له في مشهد عايز اسمعه بصوتك ولما قرأه عجبه جدًا وبعد ما خلص لمس اكتاف ياسر جلال جالي وقالي يلا نعمل المسلسل وعملناه
“.
