جربى تعملى الدوناتس بطريقة الشيف عبير سيد بالمنزل اوفر وانظف
مده التحضير :٣٠ دقيقه
مده التسويه : ٥ دقائق
المقادير
٢ كوب ونصف دقيق
كوب الا ربع حليب
ربع كوب زبده مذابه ( ٥٠ مللى)
٢ معلقه كبيره سكر
معلقه كبيره خل ابيض
معلقه كبيره خميره فوريه
معلقه صغيره فانيليا
بيضه
لتغطيه الدوناتس
صوص شكولاته بيضه
صوص شكولاته غامقه
شكولاته كريسبى
فارمسيل ملون
الطريقه
نحضر بولا ونضيف الحليب والبيضه والفانيليا والسكر والخميره ونقلبهم مع بعض كويس بعد كده نضيف الدقيق ونبتدى نعجن كويس لحد ما العجينه تلم معانا نغطيها ونسبها لحد ما حجمها يرتفع
نفرد العجينه على سطح مرشوش بالدقيق بحجم ١ سم ونقطعها بقطاعه الدوناتس
ناخد كل قطعه ونضعها على ورقه صغيره من الزبده او ورق ابيض ونغطيها ونتركها تخمر مره تانيه لحد ما قطعه الدوناتس حجمها يرتفع
نحضر طاسه فيها زيت غزير بعد ما الزيت يسخن ناخد قطعه من الدوناتس وننزل بيها فى الزيت مع ورقه الزبده على نار متوسطه واول ما توصل للون الذهبى نبتدى نقلبها على الجانب التانى هتكون الورقه انفصلت عن من قطعه الدونس نطلع الورقه من الزيت ونكمل تحمير الدوناتس بعد كده نطلع الدوناتس ونرصه على شبكه بعد ما يبرد نبتدى نغطيه بصوص الشكولاته ونزينه بالفرماسيل الملون او الشكولاته الكرسبى
