ومع ذكري انتصار انتصار أكتوبر المجيدة،وبقصيدتيه أكتوبر،و”تلات وردات” يطل علينا الشاعر العميد عبدالله الهادي الصقر أحد أبطال حرب أكتوبر،وأحد رموز الابداع الشعري بالعامية الأصيلة، محتفيا بسجايا النصر المؤزر، منتشيا بذكري العزة والفخر ..ومتغزلا في سيناء الحبيبة البقعة الغالية من أرض الوطن.
وقد أهدي نصيه لمنصة المساء “أون لاين”.. ننشرها عبر هذه السطور..
🇾🇪
( أكتوبر )
***********
ألف ولامين
وهاء عاليهَّ على مادنه
( الله )
لفظ الجلاله
فى يوم الشده ساعدنا
وف شهر فيه الجهاد
دايماً مواعدنا
قمنا عبرنا الهزيمه
واتنصب عيدنا
الصبر خدنا
على شط الأمان نرتاح
ونسينا ليل الآسى
ورسينا ع الأفراح
والفجر جاب الصباح
والشمس شافتنا
والضى ذوق حياتنا
والهنا زادنا
كبرنا ساعة عـبورنا
والندا يامعين
شوفنا الرجال م السما
زى القدر نازلين
متجهزين للفدا
متحزمين بالتار
متحصنين بالكتاب
وبسُـنة المختار
ناويين يزيحوا الحصار
ويطهروا الجته
م الغطرسة والغرور
والوهم والعتة
والسته ماتوا فى سته
فرحوا ملايين
واخضر بور الحنين
على صدر أمجادنا
وقف التاريخ وانتشى
يكتب فى كراسه
حزن البلاد انتهى
والطين رفع راسه
وف عرض سينا
ركبنا نصرنا الرهوان
والصبر صحى الزمان
ينقش أسامينا
ورفعنا فوق المدن
بدل العلم أعلام
من بعد طول الألم
ومرارة الأيام
وقلعنا جدر الضلام
وطلعنا م الأهوال
لمَّا طوينا المحال
والحق عاد لينا
باتت عيونهم حزينه
واحنا فرحتنا
مليانه بيها القلوب
والسعد زار بيتنا
بعد الهوان والمرار
ردينا عزتنا
وكتبنا جوه التاريخ
لولادنا قصتنا
دنيتنا كانت أمانى
صهدها بركان
وحياتنا كانت موانى
نبضها ذهقان
وأما الأدان لمنا
على التقوى والإيمان
هبينا زى الطوفان
وبقوة عدينا
راحوا ما عادوا
ونادو بالسلام طالبين
قولنا السلام شرعنا
لو جد بيه راضيين
والأرض رجعت
وعاد الحق يامهاجرين
خلوا الألم فرح
ومكان الدماء بساتين.
🇾🇪
(تلات وردات )
***********
بارمى السلام علىَ سينا
ردت علىَّ السلام
وعليكم السلام
يا إمام… وليك كرامات
يا ألف مرحب بيك
يا تسعمية سلامات
سبعين ما شالله عليك
باهديك. تلات وردات
بيضه بـِلون قلبك
حمره بـِلون دمك
صفره بـِلون
غيرتك علىَّ وخوفك..
تسلم حروفك
حرف حرف ياغالى
المـيم..
محيت الوهم من وجدانى
ومليت علىَّ الدنــيا بعد فــضاها
والصاد..
صحيت شوفــتك مــــلاك ربـانى
صايم مصلى وطلعتك محلاها
والراء..
رميت والدم سال وروانى
روح الشهيد
بتزورنى من مثواها..
والياء..
يمين الله لا اقضى زمانى
الرمل يحكى والمدن تتباهىَ
ردت..سمعتوها
شوفتوها زى ما شوفتها المره دى
مرادى .. كان ..
تصبح آمان واهى صبحت
مرادى .. كان ..
تمسح دموعها ومسحت
فى الأنس سبحت
والمزارع طرحت
تينك.. نخيلك والزيتون ذوادى
كل إللى كان
فى مرادى حلم ..إتحقق
والسعد شقشق والهنا بيزقزق
والفرح دارعلى كل دار .. واتفرق
والنصر راكب موكبه وبينادى
تسلم يا سيدى
يسلم لى عـمرك
ياللى عـيدك عـيدى
ياللى تمللى بتفتكر مواعــيدى
وف كل عام تكتب كلام متحلى ِ
سمى وصللى
وقول لى وانا سامعه لك
قاعدة قبالك
ف العيون باراعـيك
يحرم عـليك
حُـبى سبـع حُـرُمات
لاتعـلى ِ صوتك
فى القصيد بثبات
يـالـلى كــتبت الشـعر بالـبندقية
طــول شويهَ وكل أملى تبات
من عمر فات متعودين نتلاقىّ
ف قلوبنا لهفة والإيدين مشتاقه
والروح تبوح للروح
ويوصِـل بينا
نظرة عــيونا ويحضنك تسبيلى
إنتَّ خــليلى وحـيلى بيك إشتد
وفضحت كدبة
غــرورها فاق الحد
ورفعت إيدك للسما بتكبر
الله أكبر والملايكه ترد
ندر ٍعلىَّ وعـهد بينى وبينك
لاأهديك هدية
كل عام ف جبينك
ياللى حنينك للقاء خلانى
فوق الصوانى اترقصت فناجيلى
ياألف أهلا..حلت البركات
ياألف.. سهلا ..واللقا مايكفى
خوفك علىَّ ووقفتك بثبات
غيرتك علىَّ ووقفتك من صفى
يا مرحبا بك يا وليف الذات
رديت سلامك والسلام مايوفى
حقك على ودين كتير وجمايل
بين القبايل شهرتك بتدفى
شرفت ربعك والشرف لربوعى
ياللى مسحت مذلتى وخضوعى
وبعد جوعى شبعت حب وعزة
المزه إسمك والطعام رؤياك ..
🇾🇪
