مقدمة من الشيف مروة إمارة
المكونات :
كيس مكرونه فيتوتشي او اسباجيتي
نص كيلو صدور فراخ متقطعه شرايح صغيره
فلفل ألوان
بصله مربعات
مشروم فريش
زيتون شرايح
ملح و فلفل
زعتر
مرقه فوريه
موتزريلا و شيدر
البشاميل :
لتر و نص لبن
٤ معالق كبار دقيق
٤معالق كبار سمنه او زبده
ملح و فلفل
الطريقه :
نسلق المكرونه مع ملح و مكعب مرقه و نصفيها و نتركنها على جنب .
في طاسه على النار نضع ماده دهنيه و ننزل البصل نقلبه دقيقتين و نضيف الفراخ و الملح و الفلفل و الزعتر و المرقه الفوريه و نقلب لما الفراخ تاخد لون و ننزل المشروم و الفلفل و لما كله يستوي نطفي و نضيف الزيتون و كده الحشوه جاهزه للإستخدام .
في حله على النار نضع السمنه و ننزل عليه الدقيق و نقلب دقيقه و نضيف اللبن تدريجي مع التقليب المستمر بالويسك علشان البشاميل ميكلكعش و نظبط الملح و الفلفل و ممكن نضيف موتزريلا او شيدر او مشلله او جبنه كريمي حسب الرغبه .
الترتيب :
هنجيب طاجن او اي حاجه مناسبه للتقديم و نحط مكرونه و عليها بشاميل و جزء من الجبن و نوزع حشوة الفراخ و بعدين باقي المكرونه و البشاميل و نغطي بالجبن .
التسويه :
هندخل المكرونه فرن ساخن على درجة حراره ٢٠٠ حوالي نصف ساعه و نشعل الشوايه تتحمر و بألف هنا .
