تقدم الشيف مروة أمارة، طريقة بسيطة وسريعة لعمل فطيرة الجلاش بالسجق.
المكونات :
لفة جلاش
نص كيلو سجق متقطع
فلفل ألوان
بصل مربعات
زيتون
موتزريلا و شيدر
خليط التشريب :
علبة زبادي
نص كوب سمن أو زبدة سايحة
ربع كوب لبن
بيضهة
ملح و فلفل
ملعقة صغيرة بيكنج بودر
قد يعجبك أيضاً
الطريقة :
أول حاجة نعمل السجق ، في طاسه على النار ونضع زيت و ننزل البصل نشوحه لحد ما يدبل و بعدين نضيف السجق مع التقليب لحد ما لونه يغير و آخر حاجة الفلفل الألوان و نظبط الملح و الفلفل و لما يكمل تسوية نطفي عليه و نسيبه يبرد و نستخدمه في الحشوة.
نحضر صينيه ندهنها بالسمنة و نرص طبقات الجلاش و مع كل طبقة ندهن بخليط التشريب و بعدين نحط الحشوة و نص كمية الجبن و نقفل عليها كويس مع دهان الخليط بين الطبقات لحد ما نخلص الكمية كلها و بعدين نوزع باقي الجبن على الوش مع فلفل ألوان و زيتون .
التسوية :
ندخلها فرن سخن على درجة حرارة 200 لحد ما تاخد اللون الدهبي من تحت و الأطراف و بعدين نشغل الشواية عشان تتحمر و نطلعها ونقدمها.. وبألف هنا.
