ريد فيلفت من غير زبدة ولا جبنة وتنفع كل المناسبات السعيدة واقتصادية جداً
مقدمة من الشيف أميمة سعيد
المقادير:
٣بيضات
كوب لبن رايب
كوب زيت
كوب وربع سكر
٣٠٠ جرام دقيق
٢٠ جرام كاكاو خام
١٠ جرام بيكنج بودر
٥ جرام بيكنج صودا
رشة ملح
ملعقة خل
فانليا
ملعقة كبيرة لون طعام احمر جيل
طريقة التحضير:
نضرب السكر مع البيض مع الفانليا لحد مايتجانسوا ويتضاعفوا ثم نضيف الحليب المدوب فية ملعقة لون الطعام تدريجيا ثم نضيف الزيت تدريجيا ثم تخلط المواد الجافة مع بعض ونضيفها علي الخليط السائل ونقلب بالمضرب السلك ونضع الخليط فى صينية مقاس ٢٠ مبطنة بورقة زبدة علي فرن مسبق التسخين علي درجة حرارة ١٨٠ لمدة ٣٠ دقيقة ونتركها تبرد تماما والافضل قبلها بيوم وتتغلف ثم نقطعها دسكات ومحشيها ونزينها
مكونات الكريمة:
١٢٥ جرام كريم شانتية خام
٢٥٠ ملي ماء
٤٠ جرام سكر خشن
ملعقتين باستري كريم
٥٠ جرام جناش ابيض
طريقة التحضير:
نضرب السكر مع الماء الاول ثم نضيف الكريم شانتية والباستري ونضرب جيدا ثم نضيف الجناش الابيض
الجناش الابيض عبارة عن: ٥٠ جرام كريمة خفق ساخنة نضيف عليهم ١٥٠ جرام شيكولاتة بيضاء سائحة ونضربهم جيدا مع بعض ونتركها تبرد ثم نضافها علي الكريم شانية ونكمل ضرب ونحشي الريد فيلفت وتزين حسب الرغبه..والف هنا
