بسكويت الزبده الفاخر
مقدم من الشيف غادة السيد العربي
المقادير:
3 أكواب دقيق (500 جرام)
ملعقة كبيرة بيكنج بودر
كوب ونصف زبدة باردة (300 جرام) ربع ملعقة صغيرة ملح
كوب إلا ربع سكر بودرة (150 جرام) ربع ملعقة صغيرة فانيليا
بيضتان بدرجة حرارة المطبخ
طريقة التحضير:
– نخفق الزبدة والسكر البودرة لحد ما القوام يبقى كريمي ونضيف بيضة ونضرب لحد ما تختفي ونضيف البيضة الثانية ونضيف الفانيليا ونخفق لحد ما الخليط يبقى كريمي.
– نخلط الدقيق مع البيكنج بودر والملح ونضيفيهم على الخليط
السابق ونقلب لحد ما نحصل على عجينة طرية وبلاش نعجن زياده عن اللزوم.
– نغطي العجينة وندخلها الثلاجة لمدة نصف ساعة ونطلعها نفردها بالنشابه بين ورقتين زبدة أو فويل ونراعي إن سمك العجينة يكون متوسط يعني لا سميكة ولا رقيقة.
– نشكل العجينة بالقطاعات ونعمل الأشكال اللي نحبها ولو مفيش ممكن ناخد قطعة من العجينة ونكورها ونضغط عليها بكف اليد.
– نرص قطع البسكويت في صينية مدهونة زيت أو مبطنه بورق زبدة
وندهن الوجه بياض بيض مع رشة فانيليا باستخدام الفرشاة ونرش فوقه حبيبات سكر.
– ندخله الفرن على درجة حرارة 180 لمدة 13-10 دقيقة لحد ما يحمر من تحت وبعدين نشغل الشواية من فوق لحد ما ياخد لون ذهبي فاتح ثم نتركه يبرد ونحفظه في علبة محكمة الغلق حتى يحافظ على قرمشته.
- أحدث المقالات
- ترينـد
إعـــلان
