سينامون كيك
مقدم من الشيف مروة إمارة
المكونات :
نص كوب زبده بدرجة حرارة المطبخ
كوب سكر
كوب و نص دقيق منخول
٣ بيضات + فانيليا
ملعقة كبيرة ممسوحة بيكنج بودر
نص كوب لبن دافي
الحشوه :
ملعقة كاكاو
ملعقة قرفه
ملعقة سكر
نخلطهم مع بعض
الصوص الأبيض :
نص كوب سكر بودره
نص كوب لبن بودره
ربع كوب مياه ساخنة
ملعقة زبده
٢ مكعب كيري أو ملعقة كبيرة جبنة كريمي
ملعقة كبيرة كريم شانتيه
قد يعجبك أيضاً
الطريقة :
نضرب السكر و الزبده بالمضرب لحد ما الخليط يبقى كريمي فاتح و بعدين نضيف البيض و الفانيليا و نكمل ضرب و نخلط الدقيق مع البيكنج بودر و ننزله بالتبادل مع اللبن و نقلب بالويسك لحد ما الدقيق يختفي .
هننزل نص الخليط في القالب و نوزع القرفه و السكر و الكاكاو و بعدين ننزل باقي خليط الكيك .
التسوية :
ندخل الكيك فرن سخن على درجة حراره ١٨٠ لمدة نص ساعة و نختبرها و لما تستوي نطلعها ونتركها تبرد و نحضر الصوص .
طريقة الصوص :
نضرب السكر و اللبن و المياه و الزبده في الخلاط و نسيب الصوص يبرد و بعدين نضيف الجبنة الكريمي و الكريم شانتيه و نكمل ضرب لحد ما القوام يتقل و نوزع الصوص على الكيك و تزين بالكراميل و النوتيلا و المكسرات المجروشه و بالهنا .
