معلومات تهمك
مقدمة من الشيف هدي نورالدين
🔸وش الفخدة هى القطعه المناسبة للشوى فى الفخدة ومناسبة للبفتيك وكباب الحلة والشاورما وباقى أجزاء الفخدة تنفع السلق والمفروم الخشن للحمة المعصجة.
🔸الكفته من اللحم الملبس (احمر وفيه نسبة دهون) وأفضل منطقتين للكفتة الرقبة وهبرة البطن أو منطقة أسفل الصدر (الدوش).
قد يعجبك أيضاً
🔸الموزة والرقبة والكولاته والسِن كل دول ممتازين فى السلق أو الطواجن والفتة.
🔸الكتف نسبة اللحم الأحمر فيه كبيرة ونسيجه قوى عشان كده يفضل للسلق والطواجن اللى بتاخد وقت طويل فى السوى.
🔸بيت الكلاوى دى منطقة الستيك والفيليه والانتركوت ، وتعتبر من افخم قطعيات اللحوم فى العجل.
🔸عرق الفلتو ناعم جدا وانسب وصفة له شرايح مشوية سواء فى الفرن او على الجريل أو الشواية ومش بياخد تتبيل كتير ولا وقت طويل فى السوى.
🔸عرق التربيانكو عكس الفلتو لحمه قاسى وماينفعش للشوى وبياخد وقت طويل فى السوى وانسب وصفه له هى اللحمة الباردة
🔸الموزة الخلفية لحمها أكتر واحلى من الموزة الأمامية
الموزة الأمامية نسبة الجيلاتين فيها بعد الطهى أعلى من الخلفية
🔸الموزة الخلفية من انسب القطع فى الفخد لعمل كباب الحلة والسكالوب ومكعبات اللحمة الحمراء
الموزة الأمامية تطبخ مع الخضار أو تتعمل طواجن وتتسلق للفتة عشان ملبسه وفيها دهون وجيلاتين كتير يجعلها طرية.
