من ملف اكلات عيد الاضحى المبارك
مقدمة من الشيف ايمان حمدى الحماقى
الكباب المشوي على الفحم بكل تفاصيله وازاي تولعي الفحم للشوايه
افضل شىء للحوم المشويه خصوصا على الفحم انها تكون صغيره عشان تستوى بسرعه والحراره تصل للعمق بسهوله وتستوى كويس يعني يكون الخروف سنه صغير مش كاسر اسنان ومعظم اجزاء الخروف تنفع للشوي لكن افضل قطعيات للشوي الريش والفخد الخلفي وكمان الزند اما الرقبة تفضل في السلق والطواجن الرقبة بتبقى جميله قوي في الفته ولحمه البطن والدوش بتبقى جميله في الطواجن لانها بتاخد سوا شويه
وبرضو البتلو اللباني بيبقى جميل قوووي في الكباب لانه مش بياخد سوا ابداااا
هناك طرقتين ل تتبيله اللحوم المشويه على الفحم وكل طريقه ليها طعم مختلف تماما عن الاخرى
الطريقه الاولى:
مبسطه جدا هى انك تتبلى الفراخ بثوم مفروم وخل العنب وزعتر وروز ماري وملح وفلفل وعصير ليمون وتنقع الفراخ قبلها بليله وتشوى ثانى يوم ودى طريقه بسيطه جدا وطعم اللحم بيبقى مزز
الطريقه الاخرى
افرمى عدد 3 بصلات و3 فصوص توم ثوم وضفت عليهم معلقتين خل وعصر لمونه وطمطمايه وعصير ليمونه ومعلقتين خل وقرن فلفل اخضر كل ده فى الكبه وفرمتهم فرم ناعم جدا جدا وضفتهم على البهارات الى هيه ملح وفلفل وروز مارى وكمون وحبهان مطحون وكبيبه صيني مطحونة
قطع الكباب تبات فى التتبيله دى ليله كامله فى التلاجه يعنى اعمليها بالليل واشويها الصبح
طريقة إشعال الفحم
اولا بتغسلي الاسياخ والشبكه والسيخ بنحط فيه الكباب والشبكه بترص عليها الريش وقطع اللحم بالعظم وكمان بنستخدمها في شوي الفراخ بتكون جميله
هتجيبي الفحم الكبير وتحطي علي شبكة سلك زي بتاعة الشباك والشبكه دي تخليها عندك وتستخدميها كل مره تحبي تشوي
هتحطي الشبكة بالفحم علي عين البتاجاز الكبير ولما يحمر تفرديه في الشوايه وتحطي عليه الفحم الصغير وتشغلي مروحه وتقربيها شويه لما الفحم كله يولع وممكن تهوي باي حاجه بدل المروحه عادي زي الريشه بتاعة الشوي كده وتبتدي تشوي بالف هنا وشفا
ووقت الشوى نزيل عنها التتبيله قبل وضعها على الاسياخ
تشوي على الفحم واللي يطلع حطيه فى حله وغطيها لحد ما تخلصي وتقدم علي فراشه من البقدونس المفروم
اعملى جنبها سلطة طحينه وسلطه خضره
والف هنا وشفا.
