طاجن فته الكوارع
مقدم من الشيف ياسمين
المكونات
كوارع
بصل
طماطم
جزر مفروم
فلفل الوان مفروم
فلفل حامي مفروم
بصل مفروم
٢ كوب عصير طماطم
ملح وفلفل
كزبره
كمون
قرفه
حبهان بودره
ورق لورا
شطه
👈لسلق الكوارع
مستكه
حبهان
ورق لورا
سمنه
ماء مغلي
الطريقه:
اول حاجه نغسل الكوارع بالليمون ومياه ودقيق ونفركهم كويس جداا بعد كده ننزلها نص ساعه في مياه بتغلي وبعد كده نتخلص من الماء ونغسل الكوارع بمياه جاريه …. نجهز حله على النار فيها حته سمنه ومستكه وحبهان وورق لورا وفلفل اسود وننزل بالكوارع تتشوح كويس بعد كده نزود بصل جزر كرفس ونقلبهم دقيقتين وننزل بالميه المغليه ولما تغلي كويس نهدي النار لمده ساعتين ونص لحد ماتستوي والملح نزوده فى نص السوا ….نشيلها ونخليها من العضم …ونجهز بوله كبيره فيها بصل وطماطم وملح وفلفل وحبهان وورق لورا وكمون وكزبره وجزر وفلفل حامي وفلفل الوان ونزود عصير طماطم ونقلب الكلام ده كله مع بعض ونحضر طاجن سخن نضع فيه نص الخلطه دى وفوقه الكوارع المخليه و باقي الخلطه …وتدخل فرن ٢٠٠ لمده نص ساعه …
تحضير طبق التقديم
نضع فيه عيش محمص وفوقيه أرز بالسمنه البلدي والكوارع
