تعرفى على طريقة عمل صدور الفراخ المدخنه
مقدمة من الشيف مروة امارة
المكونات :
صدور فراخ مخليه حجمها كبير
مية بصل
ملعقة خل
ملح وفلفل
بصل بودر
بابريكا
زنجبيل
زعتر
صوص التسوية:
ملعقه كبيره صويا صوص
ملعقه كبيره دبس رمان
ملعقه كبيره باربكيو صوص
ملعقه صغيره عسل أبيض
ملعقتين زيت
الطريقة:
أول حاجه هنلف صدور الفراخ بدباره او خيط ذي اللحمه البارده و نقلب مية البصل و الخل مع التوابل و نتبل الفراخ و نسيبها ساعتين و بعدين نجيب طاسه على النار و نحط الزيت و ننزل الفراخ تاخد صدمه و تتحمر على نار عاليه و بعدين نقلب الصوصات و العسل مع ربع كوباية ميه و نضيفهم على الفراخ و نغطي عليها و نهدي النار و نسيبها تستوي في الصوصات بتاخد حوالي نص ساعه و بعدين نطفي معاها فحمه عشان تاخد ريحة التدخين و بعد كده نسيبها تبرد تماماً و يفضل كمان ندخلها التلاجه و لما تطلعه نقص الخيط و نقطعها بسكينه حاميه شرائح وسط او رفيعه حسب الرغبه و بألف هنا .
