طريقة تحضير البسكويت
مقدمة من الشيف فاطمه احمد
المقادير:
٣ كوب دقيق
كوب سكر بودر
كوب زبدة او نص كوب زبدة علي نص كوب زيت
عدد ٢ بيضه
كيس فانيليا
معلقه كبيرة بيكينج بودر
رشه ملح
الطريقة:
نضرب السكر مع الزبدة مع البيض والفانيليا بالمضرب ونضربهم جيدا حتي يسير كريمي وعمليه الضرب مهمه جدا جيدا عشان البسكوت يطلع معانا هش وجميل وعمليه الضرب لمده من ٧ الي ١٠ دقايق
وفي بوله ننخل الدقيق والبيكنج بودر ورشه الملح وبعد كده نضع عليهم الخليط ونقلبهم علي بعض نلم العجينه فقط مش عجن ولو العجينه مش متماسكه مع بعضها ممكن نزود شويه دقيق واول ما العجينه تبقي مسكه مع نفسها نبدأ نشكلها باي قطاعات عجن او ممكن نكور العجينه كور صغيرة ونبططها ببطن ايدينا ثم ندوس عليها بالشوكه وبعد كده نرصها في صينيه تكون مدهونه سمن او عليها ورق زبدة وندخلها الفرن علي درجه حرارة ١٨٠ لمدة ١٠ دقائق او اكتر حسب الفرن واول ما تاخد لون ذهبي نطلعها من الفرن ولما يبرد البسكويت نقدمها ..وبالهنا والشفا .
- أحدث المقالات
- ترينـد
إعـــلان
