الشيف مروة أمارة تقدم طريقة بسيطة ومميزة وعجينة هشه لتحضير مخبوزات “الشو ريك” بالسكر المشهورة فى عيد شم النسيم
المكونات : نصف كيلو دقيق
٢ ملعقه كبيره سكر
٢ ملعقه كبيره لبن بودره
٢ ملعقه كبيره زبده
٢ ملعقه كبيره زيت
ملعقه كبيره خل
ملعقه كبيره خميره
ملعقه صغيره بيكنج بودر
بيضه + فانيليا
رشة ملح
لبن دافي للعجن
التلميع :
بيضه
رشة نسكافيه
رشة فانيليا
سكر خشن
الطريقه :
في بوله نضع المكونات الجافه الدقيق و السكر و اللبن البودره و الخميره و البيكنج بودر مع التقليب جيدا و نضيف الزبده و الزيت و نفركهم مع المكونات الجافه ثم نضيف البيض و الفانيليا و الخل و نبدأ نعجن ونضيف اللبن تدريجي لحد ما العجينه تلم معانا و نستمر في العجن لمدة عشر دقائق لحد ما العجينه تبقى ناعمه و نغطيها و نتركها تخمر في مكان دافي لحد ما حجمها يتضاعف .
التشكيل :
نقطع العجينه بالتساوي حوالي ٧ او ٨ قطع و ناخد كل قطعه نعملها رول طويل و نلفها و نرص في الصينيه و ندهنها بالبيض المخفوق بالفانيليا و النسكافيه و نرش عليها السكر و نغطيها و نتركها تخمر مرة أخرى لحد ما حجمه يتضاعف .
التسوية :
ندخلها فرن ساخن على درجة حراره ٢٠٠ من ١٠ ل ١٢ دقيقه لحد ما تاخد لون من تحت و بعدين نشعل الشوايه لحد ما ياخد لون دهبي من فوق و نغطيها من أجل المحافظة عليها طريه و ممكن ندهنها بالفرشه بشربات خفيف
و بالهنا .
