تعرفى على طريقة تحضير نواعم العيد بمناسبة إحتفال الاخوة المسيحين بعيد الميلاد المجيد ومن اهمها بسكويت بالبرتقال وغريبة وبيتى فور
مقدمة من الشيف نبيله عبدالمنعم متولي
#اولا طريقه عمل البسكويت بالبرتقال اللوكس في حاله استخدام الماكينه
المكونات:
كيلو زبده
٦٠٠جرام سكر بودره
٦بيضات وفانليا
٢.٥ كيلو ونصف دقيق أو اقل حسب احتياج العجينه وفي حاله استخدام الكيس الحلواني يستخدم مقدار ١.٥ من الدقيق
١٠٠مل عصير برتقال
١٠٠مل لبن دافئ ونضع معهم ٥جرام نشادر
١٥ جرام بيكنج بودر
١٠مل اصانص برتقال
الطريقه :
يضرب الزبده مع السكر البودره حتي يسير الخليط كريمي ويفتح لونه ثم ننزل بالبيض واحده تلو الاخري حتي يندمج مع الزبده والسكر ثم ننزل بالسوائل اللبن الدافئ مع النشادر وننزل بعصير البرتقال أيضا ونقلب الخليط جيدا ثم ننزل بالدقيق المنخول مع البيكنج بودر ونقلب الدقيق مع الخليط السابق وما نعجنش كتير نلم العجينه حتي يختفي الدقيق وتبقي العجينه متماسكه ونشكلها في الماكينه ويسوي علي درجه الحراره ١٨٠لمده ٢٠ دقيقه وفي حاله الكيس الحلواني نستخدم ٧٥٠ من الدقيق لكل نصف كيلو زبده ونقلل السكر البودره ٢٥٠ جرام
#طريقه عمل البيتي فور اللوكس
كيلو زبده بدرجه حراره الغرفه
كيلو وربع دقيق
٣٥٠سكر بودره
٨ابيض بيض وفانليا
الطريقه: نضرب الزبده مع السكر البودره حتي يسير الخليط كريمي ويفتح لونه ثم ننزل بالبياض واحده واحده حتي يمتزج الخليط ونضع الفانليا ثم نضع الدقيق ونلم الدقيق بالخليط حتي يختفي الدقيق وما نعجنش كتير يدوب الخليط يلم ومقادير العجينه مضبوطه جدا بالميزان ونشكل العجينه بالكيس الحلواني ولو حابين بالماكينه تترك العجينه في الثلاجه لمده نصف ساعه او ساعه ويسوي علي درجه حراره ١٨٠ لمده ٢٠ دقيقه
#طريقه عمل الغريبه
كيلو دقيق
٦٠٠ جرام سمنه بلدي من التلاجه
٣٠٠ سكر بودره
للتزيين مكسرات او كريز او لولي الغريبه او المتاح عندك
الطريقه:
اولا السمنه نشتغل بيها وهيا خارجه من الثلاجه مباشره نأتي بالسمنه ونضربها مع السكر حتى يسير الخليط كريمي ويفتح لونه ثم ننزل بالدقيق المنخول ونخدمها كويس جدا حتي تندمج مع الزبده والسكر ونكورها ولو ما شققتش يبقي كده تمام جدا استخدمه الميزان في المقادير هتظبط معاكم جداً ونسبها ترتاح بس عشر دقايق ونشتغل فيها علي طول وتسوي علي درجه حراره ١٤٠ لمده من عشر دقايق ل٢٠ دقيقه حسب الفرن ملحوظه هيا مش بتاخد لون يدوب تلاقيها تمسكت في بعضها وتطلع من الفرن مباشره ونتركها في الصينيه لتاني يوم أو اقل مده اربع ساعات
- أحدث المقالات
- ترينـد
إعـــلان
