شهد تعليق الفنانة شيرين رضا على مشهد القبلة الذي حدث بينها وبين الفنان خالد النبوي في فيلم” قمر ١٤”،جدلا كبيرا، حيث قالت خلال لقائها مع الاعلامية لميس الحديدي :” “فترة الثمانينيات عندما انتشرت ما يُسمى بأفلام المقاولات، كانت سببًا رئيسيًا في النفور من القُبلات السينمائية والمشاهد الرومانسية ولذلك اختفت فترة من الساحة.. لأننا في حياتنا كمصريين الحياة أبيض أو أسود، لكن لو الحاجة تتوظف بشكل صحيح هتبقى مضبوطة حتى في الملابس سواء خاتم أو جزمة أو قميص أو غيره أو بوسه أو حضن لازم توظف بشكل جيد عشان تبقى مقبولة ومضبوطة”.
اضافت:” السينما دي بتلخص حياتنا وبترصدها بكل تفاصيلها، دي سينما للبني آدمين مش بنعمل قصة عن بقرة، لو أم في مشهد بتسلم على ابنها اللي ماشفتوش من عشرين سنة وسلمت عليه من غير حضن، إزاي الناس هتصدقه”.
هاجمها الجمهور، وقالوا :”يارب ارحمنا من هذا الكلام المؤذي”، “يعني هي القبلة اللي هتوصل رسالة الفيلم ؟! ومن غيرها الفنان ميبقاش فنان ؟!”،” يعني هي زعلانه عشان الراجل هو الي رفض يبوس ..طيب احترمي سنك حتي ؟!”،” يعني انتي بتتباسي بوس هادف”… وغيرها.
