مقدمة من الشيف منار موسى
المقادير:
لفة جلاش
كوب سمنه بلدي سايحه
نصف كوب فستق مفروم
نوتيلا
للسيرب:
كوبين سكر
كوب ونص مايه
معلقة صغيرة عصير ليمون
طريقة التحضير:
نعمل السيرب بوضع مكوناته على النار لمده 7 دقايق ونضع عصير الليمون وتغلي غلوتين ونطفي ونسيبه يبرد
نقسم الجلاش نصفين بالسكينه وناخد طبقة من الجلاش وندهنها بالسمنة ونطبقها علي شكل مربع وندهنها مره تانيه وبعدين نلفها علي مسن أو خشبة رفيعة زي القلم الرصاص وبعدين نخرجها ونلفها دائرة علي بعضها.
نرص الأساور بجانب بعضها في صينيه فرن مدهونه زيت أو سمنة و ندهن الأساور بالسمنة وندخلها الفرن علي الرف الاوسط على درجة حرارة 180 لحد ما تاخد لون ذهبي ونخرجها ونسقيها بالسيرب البارد
نضع في منتصف الأساور نوتيلا أو مكسرات مفرومة حسب الرغبة وبالهنا والشفا
