ويتجدد اللقاء مع إبداعات أدباء ومواهب أبناء أرض الكنانة وضيفتنا في هذه السطور الأديب مها السيد الخواجة عضو اتحاد كتاب مصر ونادي أدب دمياط ،والتي أهدت بوابة “الجمهورية والمساء أون لاين”
سطور من قصيدتها “بعد فراقنا” من ديوانها لقا ووداع، والذي صدر حديثا عن دار الرونق للنشر والتوزيع..
🍂
بعد فراقنا
بعد فراقنا
وارد جدا احس بصدمة
مش هتحمل .. بس هكمل ..
وبكل جوارحي .. هعيش الأزمة
والأيام هتمر بمر
هقفل بابي واعيش العزلة
يوم موجوعة .. بصرخ .. اعيط
ويوم الصمت في روحي يحل
مبقاش دارية بحال الدنيا
واتبدل من واحدة لتانية
تايهة وخايفة عيون الكل
قلبي هيدبل جوا ضلوعي
ومخدتي تصاحبها دموعي
والأيام بعضها هتجر ..
جوا حيطان الأوضة الضلمة
بس أكيد بعدها رح افوق
وارجع وارفع راسي لفوق
واسعد تاني براحة البال
ما احنا نسينا هم الشوق
بعد فراقنا .. أيوا هفوق
