ياسلام على اسكندرية وجمال اسكندرية وأكلات وسمك إسكندريةو أحلي جمبري إسكندراني مع شوربة الجمبري تقدمه الشيف منى قاسم
المكونات:
مكعب زبدة وملعقة كبيرة زيت
رأس ثوم مفروم
ملح
كمون
عصير ليمونة
جمبري
كرفس
جزر مبشور
بصلة مقطعة
فلفل أحمر وأصفر وأخضر وحامي حسب الرغبة
طماطم مكعبات
الطريقة:
نغسل الجمبري ونستبعد كيس الرمل ونشطفه ونصفيه
نتبل الجمبري بالثوم والملح والكمون ونضيف عليه عصير الليمون
في حلة على النار نضع الزبدة والزيت يسخنوا ننزل بالبصل أول مايبقي شفاف ننزل بباقي الثوم والكمون والملح تشويحة وننزل بالجزر دقيقة وننزل بالفلفل والطماطم دقيقة وننزل بالكرفس نص دقيقة وننزل بالجمبري ونقلب باستمرار ونحرك الحلة لحد ماياخد لون سيمون ننزل بماية ساخنة تغطي الجمبري غلوة واحدة ونشيل الجمبري ونضرب الشوربة في الخلاط ونصفيها وعالنار تاني علشان حجمها يقل وتتقل شوية وممكن نضيف عليها كريمة طهي أو نتركها حسب الرغبة
