ويتجدد اللقاء مع إبداعات مواهب وأدباء أبناء أرض الكنانة وضيفنا في هذه السطور الشاعر محمد فتحي السباعي ، الذي أهدي بوابة “الجمهورية والمساء أون لاين” قصيدته “أم الحلوين”، ابتهاجا بما حققته مصر المحروسة من نجاحات سياسية وحضارية مبهرة خلال الآونة الأخيرة..
🇾🇪
أمّ الحلوين
صباح الخير يا أمّ الحلوين
يا ضحكة ناس كتير طيبين
يا شمس طالعة من الحواري
تعلم الدنيا الحنين
…
إحنا اللى من خيرك نِعيش
ومن حبك ننسى الجراح
لو حتى نكبر في الوجع
نرجع لحضنك من غير سماح
…
تِرابِك دا سِتر
واللى يمشي عليه
ما يخافش غير ربّه
…
نيلك صلاة
ونهرك دعاء
ووشوش ولادك حبّه
…
فيكي الأذان مع الجرس
يغنّوا غنوةحب
من غير دروس
…
في حضن بلد
ربنا حارسها
والخير فيها
ما اتنسا يوم من النفوس
…
شارعنا القديم فاكر خطاوينا
والقهوة اللى كانت بتحايل ليالينا
والراجل الطيب يقول: “صباح الخير”
يِخَلّي الدنيا علطول صافيينّ
…
يا مِصر لو ضاقت بينا
نرجع لك نبكي على بابك
نرتاح… وننسى تعب السنين
ونعُدّي المحن بأحبابك
…
في ضهرك واقف وما بخاف
ده أنا ابنك مهما الزمن يختلف
خايف عليك؟
آه… ده خوف ابن
مش خوف حد خائف يختَلف
…
قلب البلد… أمّي
وصوتها في وداني
يعلّي ويهدّي
زي البحر
ساعة يضحك
وساعة يغضب
🍂
حبك وطن وجنة على الأرض
وصبري فى ف الحياة فرض
بزرع غيطان يأمى النور ورد
وحضنك الواسع ادانى قرض.
🍂
