ويتجدد اللقاء مع إبداعات مواهب وأدباء أبناء أرض الكنانة.. وضيفنا في هذه السطور الأديب الشاعر معوض حلمي ،الملقب بالفلاح الفصيح..
وتنشر له بوابة الجمهورية والمساء أون لاين قصيدته “زمن الطبابة”، وهي القصيدة الفائزة بالمركز الأول عامية في مهرجان همسة الدولي لعام 2026.
🍂
زمـن الطيـابه
هاتلي ضحكه عشان باخاف
هاتلـي قلـه ولقمــه حـاف
وهات سنابل خير وباقيه
وساقيه تروي سنين عجاف
هاتلـي حــاره وفيــها لمـه
وناس حداها ضمير وذمه
وجـورن ترمـح فيه قلوب
وهاتلي توب كتـان وعـمه
هاتلـي قلـه بطـين قنـاوي
وميه تجـري في المـراوي
وتوته واقفـه وترمي ضل
وهاتلي خل يكون مداوي
هاتلي بنـت بجـوز ضفاير
وواد حبـيبها ودمـه فـاير
شافها ماشيه الخوف ماليها
غـار عليـــــها ودار دوايـر
هاتلـي تخته وشنطه شالت
والكتـــاف ولا مره مالـــت
والبشــاوره بيـنا حاســـــه
واحنا لسـه ف أولـى تالت
هات عيون ستي يشفـوني
نفسي اشوف ف عنيها لوني
هاتلي فـرن الدار وعيشـها
وهات رموشها يحضنـوني
هــات قعــادي ويا جـــاري
والعيــــال ماليه الحــواري
وهات مشـنه وكام فطيره
وهـات حصـيره للعصـــاري
هاتلي جـار بيحــب جـاره
لو يميـــل يعــــدل مساره
ينصـــــحه وياخـــد بإيـده
يبقى عيـــــده وسعد داره
هاتلي فاس للغيط وزارعـه
وسـمن سـتي يعبــي زلعـه
ولــــو لقيـت الجـــــو بـرد
هاتلـي منـقــد ناره والعــه
هاتلي أوضـــه وفـرن فيها
وفيــها قبــه ننـام عليــــها
وفيها طاقه تشيل حاجاتنا
ذكرياتنا وخــــير ماليـــــها
هاتلي حكمة نور وهــــات
وحكايات مـن ماضي فات
عبي في جـــرابك وهاتلي
هاتلـي كوشــــه بمــــلايات
هاتلي غـدوه ف ضل توته
والغمــوس بخـيار وقـوطه
هاتلي نسـمه تكون رطيبه
مـش كئيـبه وزي حــــوته
هاتلي عمـه وحضـن خاله
الزمـــان ده حالتــه حالـه
فيــه مشــاعر مـش تمـام
فيـه كلام أخـــــر ســفاله
هاتلـي مغــزل للطــــواقي
عندي صوف من ابويا باقي
هات شادوف وإيد بترقي
لاجل نسقي غيطان شراقي
هاتلـي كام منــديل بإويه
دا الطبيعي يعيـش يابويا
الزمــــان ده صنايعي رش
ألـف وش ووش بـــــــويـا
هاتلي طشت حموم وليفه
هاتلي كـوز وإيدين وليـفه
وفوطه قطن مـن المـحله
هاتلي حله نحاس خفيفه
هاتلي لنضـة تكـون قـزاز
نمـره خمسه مـلانه جــاز
هاتلي ناس م الطيبه كانوا
نامـــــوا ف قلـوبنا وعزاز
هاتلي راميه عليها عصفر
هات وابور العمده ل اصفر
دور وقلــــب في القتـاتي
دور يومـاتي عليـه وعـفر
هات معــاك فلاح جاسور
لسه بيرمـــــح ع الجسـور
لسه بيزرع أرضـــه خـــير
عاش يصاحب ف الطيـور
هاتلي عمــري من الرفات
هاتلي حبــــة ذكـــــريات
روحي رافضه يوم تطـير
أو ترفـرف فـي الشـــتات
طب هاتلي خـير المنـدره
والجمــــــال جايبـين دره
واحـــنا بنملـص كيــــزانه
وهاتلي نيـــــه مخضـــره
هاتلـي حلمـي واقـوله يابا
جوه حضـنه وانام صبـابه
هاته تانـي وهـــــات غـناه
وهات معـــاه زمن الطيابه
🍂
