ويتجدد اللقاء مع إبداعات مواهب وأدباء أبناء أرض الكنانة وضيفتنا في هذه السطور الشاعرة هنا السباعي والتي أهدت بوابة الجمهورية والمساء أون لاين أحدث إبداعاته.. قصيدتها “سألوني سعيدة”؟..
🍂
“سألوني سعيدة”؟
فجوبت…
بطبعا..
اية اجمل من اني عنيدة ..؟
قالوا العند اسوء
عادة ..
قولتلهم في زمنا
عبادة ..
لما اعاند نفسي واقوي
ابقي جميلة
فوق العادة ..
لما استغني عن الناس
واقدر ..
تبقي الوحدة جنة
وغادة…
لما سعادة قلبي بتكبر..
ان بصيرتي
نور وقيادة..
قالوا شبابك في الوحدة
هيدبل ..
قولت هيزهر ..
وانا من غير الكل
بكبر واكبر….
مش في العمر …
بكبر بالعزة وابني لوحدي
قصر الصبر …
مش هحكيلكم ..
عنه كتير ..
اصل دا قصر زواره
قليل ..
واللي سكنوه شافوا
الدنيا ازاي بتمر ..
زي القطر …زي بواخر
في عرض البحر ..
شافوا محطات الاقدار
ونهاية اواخرها
بوضوح الفجر …
شافوا بواخر تايهة في ليل
الموج
ومسيرها علي بر تعود …
قصر الصبر …
رواية كبيرة …
مش هحكيها ..
اصل الصبر ملاك
حارس ..
ماسك رمح …بيدافع
عن باقي العمر ..
جايز نفهم انه بخيل
أو انه عقاب وحموله
كتير ..
جايز نتعب …جايز نحسب
لية وازاي …
بس هقولك …انه جميل .
ايوة جميل
بيعيش فينا …
بيقوينا
وبيعلمنا ان الدنيا سر
إرادة
مفتاحها معانا
وفي ادينا..
قصر الصبر
ادواره كتير
عالية وغالية
وتمنها مش مال
وامال…
تمنها انك بس تتمني
جمال سكن الصبر
سكن الصبر
وحدة جميلة
بتعزز وتبدل ضعفك
وبتخلق منك إنسان
وكيان
تلقي سكنك بيك مسكون
وان الكون
لرب الكون
وانت في قصرك
اقرب عنده
واللي يعاند ارض
الناس
وهيبعد عن كل الناس
يعرف ان سعادة
قلبه
هدية صبره ..
من رب الناس…
ياللي بتسال عني
سعيدة …؟
ايوة سعيدة ..لاني
في زمني
عشت بعيدة ..
مش بجري ورا
نور مغرور ..
عشت وشوفت
ان اللمة
الكدابة لأهل الزور….
وان الوحدة اكرم عادة
وفي ايامنا اقوي
عبادة.
🍂
