ويتواصل اللقاء مع إبداعات مواهب وأدباء أبناء أرض الكنانة وضيفنا في هذه السطور الأديب الشاعر عيد حميدة والذي أهدي بوابة الجمهورية والمساء أون لاين أحدث إبداعاته الشعرية تحت عنوان “فرحة مصر”..
🍂
بالعزيمه والإصرار
بينا نكمل المشوار
شدوا حيلكوا ياأبطال
بالأمل هتهدوا جبال
ياماسمعنا وشوفنا كتير
بس طموحنا أساسه كبير
كل مجال بنحقق فيه
نصر وسمعه مش ترفيه
فرحه كبيره ونصره عزيزه
والإصرار عندينا غريزه
عارفين إن تاريخنا عظيم
كل مجال فيه ألف زعيم
والبطولات معروفه وواضحه
للأعداء مفهومه وفاضحه
حيوا المصرى ف كل مكان
من أول طنطا لأسوان
ديمها يارب علينا الفرحه
مصر عروسه ولابسه الطرحه
كل بلاد العرب اخواتنا
فرحتهم فى القلب أهى جاتنا
يا فلسطينى ان شالله تعيش
فرحه كبيره وحزن مفيش
أرضك راجعه وحقك راجع
إوعى تخاف من أى مواجع
دم شهيدك عمره ماراح
رح يرجع نصر وأفراح
بسم الله هنعيش أحرار
وبتوفيقه بيوتنا عمار
إحنا عباد الله وعبيده
مين يستغنى يسأل سيده
انت يارب العون والسيد
ولغيرك مانمد الإيد
مصر كنانة الله فى الدنيا
عمرنا ليها ثانيه بثانيه
أم الدنيا وغيرها مانقبل
هى الماضي هى الحاضر والمستقبل .
