فرخه راس السنه بفكر جديد
مقدمة من الشيف ياسر المصري
المكونات والطريقة:
نحضر طاسه و نقطع فيها بصله متوسطه مع فلفل الوان حوالي حبايه ونخدهم بلانشيه في الزبده وننزل عليهم بقوانص مقطعه لمده خمس دقائق ثم نضيف شويه لحمه مفرومه ونقلب لمده خمس دقائق ثم ننزل بكبده الفراخ والتوابل فلفل اسود حبهان قرفه كمون ولو نحب مكعب مرقه دجاج ولما يستوي نصفي كل ده في المصفي و نحضر مصفي آخره نحمر لسان عصفور ومعاه شعريه الاول ننزل بلسان العصفور ولما لونه هيبدا يغير ننزل بالشعريه ولما يحمر نصفيه من الزيت وفي اناء نضع الشعريه مع لسان العصفور وننزل عليهم بماء ساخن ولما يتشرب نضيف عليهم الكبد والقوانص مع اللحمه المفرومه ونقلب كويس ونتركه يستوي ونكون متبلين الفرخه بتعتنا من جوه ومن تحت الجلد ببصل مبشور مع حبابه طماطم مبشوره وليمونه وفلفل أسود وملح ونحشي الفرخه من جوه ومن تحت الجلد ونعمل بوكيه جارنيه عباره عن بصل وجزر وطماطم وفلفل في صينيه وكوبين ماء وادخلها الفرن علي درجه حراره 200لمده ساعه والف هنا
