من اهم الاكلات فى السحور وله قيمة غذائية عالية هو الزبادى البيتى اقتصادي وغير مكلف .. و اليوم الشيف مروة أمارة هاتقدم اسهل طريقه لعمل الزبادي الكريمي فى المنزل
المكونات :
كيلو لبن فريش
علبة زبادي (النوع المفضل)
معلقه كبيره لبن بودره
معلقه صغيره سكر
الطريقه :
هنرفع اللبن على النار و بعد ما يوصل لمرحلة الغليان هنهدي الحراره و نسيبه يغلي و يتبخر لمدة عشر دقايق و بعدين نطفي و نسيبه يبرد لحد ما يبقى دافي و نقلب معاه الزبادي و اللبن البودره و السكر و نتأكد ان كل الإضافات دابت و اندمجت مع اللبن و بعدين نوزعه في طواجن و نرصها في صنيه و نغطي بفوطه .
هنسخن الفرن ١٠ دقايق و نطفي و ندخل الصنيه و نسيب الزبادي ليله كامله لحد ما يمسك و بعدين ندخله التلاجه و بالهنا .
