مقدمة من الشيف مروة إمارة
المانجو :
مانجو فروزن
٢ معلقه كبيره كريم شانتيه بودر
حليب مكثف او عسل أبيض
الطريقة:
هنضرب المانجة في الكبه أو الخلاط و هي متجمدة و نضيف عليها الكريم شانتيه و الحليب المكثف لحد ما تتقل و هنعمل الفراوله بنفس الطريقه .
الفراولة:
فراولة فروزن
٢ معلقة كبيرة كريم شانتيه بودر
حليب مكثف او عسل أبيض
الليمون :
كوب كريمة خفق
ثلث كوب كريم شانتيه بودر
ثلث كوب حليب مكثف
ثلث كوب عصير ليمون
معلقتين كبار سيرب نعناع من فيتراك
الطريقه :
نضرب كريمة الخفق مع الكريم شانتيه بالمضرب لحد ما تتقل و بعدين نضيف الحليب المكثف و عصير الليمون و السيرب و نكمل ضرب لحد ما المكونات تندمج .
طريقة التورته :
نعمل كل طبقه و نغطيها باسترتش و نسيبها تجمد و نعمل الطبقه اللي بعدها و هكذا لحد ما نخلص الطبقات و نسيبها تجمد ليله كامله و بالهنا .
ملحوظه :
ممكن نضيف الوان جل صحيه لتعزيز اللون .
ممنوع إضافة ماء تماما في الايس كريم حتى لايعمل ثلج .
الحليب المكثف و العسل الأبيض و السكر البودر كلها بدائل للتحليه .
