ويتجدد اللقاء مع إبداعات أدباء ومواهب أبناء أرض الكنانة ..وقد أهدي الشاعر الأديب أحمد فاروق بيضون، قصيدته “التاريخ مبينتهيش“
من شعر العامية تنشرها بوابة “الجمهورية والمساء أون لاين “عبر هذه السطور..
🍂
التاريخ مبينتهيش
التاريخ مبينتهيش
والعروق مبتنكويش
غير بدماكم يابن مصر
ياللي بيضحي عشانك
لأجل انا وانتَ نعيش
زي الأسود بتزأر
وقفته علحدود بطل من فرسان الجيش
صاحِ ولا عينُه بتغفل: ويقولها متناميش
أوع عدوّ خسيس يفكّر ما يختشيش
يِهوّب ناحية بلادي أو حتى شبر ميعدّيش
احنا مقبرة الغزاه
واللي يفكّر بس.. عمره مهَيعيش
دي أرضنا وعرضنا وغير بدمنا مبتترويش
عاش شهيد ومات شهيد
وجِه وليد
من ترابك هو ده زينة شبابك
اللي عاوز ميتنسيش
واللي يقرّب.. مَهيعديش
احنا صمام أمان العروبة وجنودنا أسود مَبتجلِّيش
والعدو خسيس وجبان مبيختشيش
رمسيس وأحمس.. ونسور ترفرف في الأفيش
مالجدود ياما كتبوا وكتبوا
أساطير مبتتنسيش
واللي خلف مماتش
يابن مصر.. انت هتعيش
واحنا رافعين الرؤوس
طول مازيّك حارِقهم
ودراعاتنا متتلويش
مصر قالت كل الكلام
وانت قلت مبيكفيش..
روحي ودمي عشانك يابلدي
وكل يوم هيعيش…
مية مليون شهيد.. متفتكريش
يامّايَ يا أم الدنيا متزعليش
احنا زي الشوكة فظورهم
مصر جاءت أولاً.. ومن غيرها الأمجاد مَفيش
يا بهية.. طول عمرك حارقاهم وعن الصعاب متغيبيش
أوعاك متتغرّيش..
يا حبيبتي.. متزعليش.
