حِلمنا نحارب المجهول
ونقضى ع المرض والجهل
ونبنى فى وادينا عقول
كريمة ياحياة الأهل
وتستاهلى التعب كُله
وإن كان الطريق مُش سهل
بنينا فريق وخططنا
وحددنا هدف منشود
بمنهج علمى كان مدروس
يسافر حلمنا ويعود
يلف الوادى ويعافر
يدوس ع الصعب ويسافر
قوافل خير بدون أخر
فى تغريدة محبه مصر
طرقنا بِيبان فى أقصى بقعه فى الوادى
نمد الأيد بعزم شديد وبنادى
عزيزة ياصرخة المحتاج وهنلبى
ونشحن عزم همتنا بجامعتنا وهنعبى
قوافل خير لأهالينا
على الشلاتين جبل علبه حدود الوادى والمينا
بلاد طيبه وفى الطيبه لمسنا الحب بأيدينا
فى ركن أصيل فى خارطه مصر
مسحنا دمعة حيرانه بأيد عُلما ومختصين
وشفنا الناس دى محتاجه وقلنا مرحبا وآمين
حاربنا الطقس والصعوبات -نقول ماشيين
جنود رافعه سلاح العلم والتنوير
قوافلها تبث الخير وتعلن ثوره التطوير
وتفرش أرض وادينا برؤيه مصر
بقلم/ جمال الأفندي الزمر
مدير إدارة القوافل بجامعة جنوب الوادي
