»»
صدر حديثا كتاب “قطتي بتول” ضمن إصدارات معرض القاهرة الدولي للكتاب والذي ستنطلق فعاليتها اعتبارا من 24 يناير وحتي 6 فبراير المقبل.
الديوان صدر باللغة العامية عن دار “ابن معيط ” للطبع والنشر، ويحتوي الديوان علي ٤٢ اغنية مابين العاطفي مثل: مرتبطة، وتيك اواي، الساحر، والوطني مثل المديح في حب مصر،والاجتماعي مثل تيتا.
وللأديب الشاعر أمل زكريا مجموعة من الأعمال الأدبية المتميزة من بينها كتاب الرسائل الصوفية أدب نجيب محفوظ وغيرها.
وننشر في هذه السطور قطوفا من الديوان،تحت عنوان: “يوم التلاقي ،لابد من”..
🍂
يوم التلاقي
مشيتي ليه بدري
قلبي هينتظرك
وحشتيني وحشتيني
تعاليلي في منامي
كل يوم في ذكري حلوة منك
حتي زعلك مني
ياسواقي الحب والحنية
ارجعيلي
صعب عليا فراقك
بكدب علي نفسي
واخدك في حضني
وانسي نفسي
واقولك ضميني
حتي شعري اللي كنت بسمعهولك
بقا دموعي في احلامي
مش هكتب تاني
تصوري ببص علي مكانك بعد صلاتك
الاقي لسه سبحتك دافية ومنورة
نهاية مؤلمة هتفضل معلمة
بس هنتظرك تاخديني في حضنك يوم التلاقي
لابد منه ..!
ايه يعني .. اتجرحتى مرة
مش أول مرة .. حد يشتكي منه
إوعي تفتكري .. إنه آخر الدنيا
بصي حواليكي .. إفتحي قلبك مرة تانية
أكيد هتلاقيه
تنسي أحزانك وترجعلك تاني أفراحك
إفتحي قلبك للي بيحبك
ياريت تسعديه
إدخلي قلبه وعيشي فيه
هتلاقي دنيا جديدة حلوة
أصل الحب لابد منه
ومستحيل نستغني عنه