»» ويتجدد اللقاء مع المعين الصافي لأدباء ومواهب أبناء أرض الكنانة،وبإطلالة مبدعة أهدي شاعر العامية الأديب أحمد عرابي لبوابة “الجمهورية والمساء” سطورا من قصيدته “إحنا الشراقوه”.
🍂
إحنا الشراقوه
إحنا الشراقوه ايوة احنا الكل عاشق مطرحنا
أرض الرجولة والكرم احنا الكل عارف ملامحنا
من بورسعيد للمنصورة أجمل بلاد المعمورة
الاصل أحلي من الصورة الكل يحلف بتاريخنا
بلد البطولة والقومية و الدنيا تعرف مين هيا
وحبها عايش. فيا و هواها نسمة أرواحنا
إحنا الشراقوه أيوه إحنا الكل عاشق مطرحنا
أرض الرجولة والكرم احنا الكل عارف ملامحنا
لو كام غريب عدى وزارها الصالحي ف كتابه ذكرها
العلم درس أسرارها و كرمها أسمى ملامحنا
تراث أصيل كله حضارة باقي لينا فى الدنيا أماره
وربنا يذيدها منارة ويذيدنا تاج من فوق راسنا
إحنا الشراقوه أ يوة احنا الكل عاشق مطرحنا
أرض الرجولة والكرم احنا الكل عارف ملامحنا
بلادنا حره و قوية و جميلة ساعة عصرية
وقلوب رحيمه وعشرية احنا الشراقوه بإخلاصنا
أعيادنا أفراح وأغاني وحياتنا أحلام و اماني
مفيش جمال ف الكون تاني يشبه جمال الشرقية.
🍂
يذكر أن عرابي قد صدر له من قبل عدة دواوين من بينها ديوانه”حصاد أخضر”، والذي عرض ضمن معروضات دار الجمهورية للصحافة بمعرض القاهرة الدولي للكتاب، كما صدر له ديوان “نسيم الروح”، وله أعمال أخري تحت الطبع.
