لسه الوجع
ضارب جدور الروح
لحظه ماتغفل روحي عنه
حبتين
بيجيلي ب الوش الحزين
يسألني عن رجله الشمال
إزاي مضيت علي بترها
من غير رضاه ؟!
غشيته ليه
وإديته حبايه تامول
تنهي الوجع وف عمره كان
ماحاولش يغضب ربنا
إزاي مازرتش قبره
من مايو اللي فات
طريت حيطان التربه
بالذكر الحكيم
كل المحاولات إني أبرر موقفي
صابها الفشل
يقلع بحده من علي وشه الكفن
ومصر مش ممكن يعود
إلا …وحد يونسه
صعبان عليا يعود وحيد
يسألني مين ..؟؟
مابقاش بينفع
قرص واحد
…اسبرين