النجرسكو
تقدمه الشيف توتا مراد
ربع كيلو صدور فراخ
بصل بودر
ثوم بودر
جنزبيل
بابريكا
زيتون أسود شرائح
فلفل ألوان
روز ماري مطحون .اختياري
نصف كيلو مكرونه اسباجتي
ملح
فلفل
مكعب مرقة
الصوص
بصل أبيض مفروم
ملعقة صغيرة ثوم مفروم
٢ ملعقة كبيرة دقيق
كوب لبن
كوب كريمه طهي
٢ ملعقة كبيرة زبدة
ملعقة كبيرة زيت
جبنه موتزاريلا
الطريقة:
نتبل الصدور بكل البهارات ونشوحها فى طاسه ساخنة فيها زيت وبعد ما تستوي نظبط الملح وننزل الفلفل الألوان ونقلب دقيقتين وبعدها نقفل النار وننزل الزيتون.. ونسيب الخليط ده على جنب ونبتدي نجهز الصوص
نحضر حلة فيها زيت وزبدة وننزل البصل دقيقة أول ما ريحته تطلع ننزل الثوم ونقلب وبعدها الدقيق ونقلب ودقيقة كمان وننزل باللبن تدريجيا ورشه روز ماري مطحون ومكعب المرقة ونقلبهم كويس ولما تغلي غلوة واحدة ننزل الكريمة اللباني والخليط يسخن ونقفل ونظبط ملح وفلفل ورشة جوز الطيب اختياري وهيكون جاهز
نحضر طاجن مدهون زبدة ونقلب فى بولة خارجية المكرونه المسلوقة مع الفراخ والصوص اللى تم تحضيره من قبل ونصبهم فى الطاجن ويدخل فرن سخن على ٢٠٠ وفي آخر عشر دقائق نطلعه ونضع الموتزاريلا وتدخل تاني تحت الشواية عشان الجبنه تسيح وتقدم وبالهنا والشفا.
