قالت الدكتورة ألفت المزلاوي عضو مجلس النواب عن محافظة سوهاج، إن سوهاج جعلت كافة مرافقها الترفيهية بتذاكر دخول، فتؤجر ممتلكات الشعب ولا ينجو مركز واحد من مراكزها من القسوة في إهدار حقوق الغلابة لالتقاط أنفاسهم.
واضافت من خلال منشور لها على موقع التواصل الاجتماعي “فيس بوك” منتقبة ما يحدث: “هيقولك التذاكر بتضمن الحفاظ علي الحدائق.. هقوله اللي يضمن أكتر أفراد أمن مدني مؤدبين لكل حديقة ومتنزه مش تذاكر وتضييق علي الناس”.
وأضافت قائلة: أن حديقة الشعب في “ميدان ثقافة سوهاج” بعد ما كلنا صقفنا وشجعنا وشكرنا وهللنا للكبير والصغير علي تطويرها وافتتاحها، قالولي ساعتها المسئولين أنها مجانية وستظل – زي الفيس بوك كده- ، دلوقتي بقت بتذاكر وقفلوا الباب علي الأسرة الفقيرة التي لا تستطيع توفير تذاكر للدخول ومنهم للشارع!
وأكملت: “إن ميادين سوهاج أصبحت مستغلة من أصحاب الكافيهات والمقاهي.. لا عارف تعدي بعربية ولا تعدي علي رجلك؛ ولو جيت تركن هتلاقي اللي يدفعك بالساعة.. فميدان الشبان، القهاوي سيطرت عليه وقفلته، وحديقة الاستاد بفلوس، حديقة اللوتس بفلوس ، حديقة المحافظة بجوار المتحف مؤجرة وفنجان القهوة فيها 20 و25 جنيه حسب نوع”البن” ، كافيهات نادي المحليات وأروقته مؤجرة والوقفه فيها بفلوس، المسرح الروماني متأجر، الكورنيش بقي متقسم مناطق وتروح تقعد تلاقي اللي هيدفعك تحت أي مسمي وهتدفع يعني هتدفع”.
وتساءلت” المزلاوي”: “فلوس الإيجارات أين تذهب ؟ .. الأمر محتاج مراجعة وممتلكات الشعب نتركها للشعب مع رقابة لطيفة هادئة من الدولة لحمايتها وصيانتها مش أكتر”.