إطلالة جديدة للأديبة للشاعرة إيمان محمد، وسمت بعنوان”حروف الوجع”..تتحاور فيها بشعر العامية مع الحروف والكلمات.
تشرف الشاعرة إيمان محمد علي منتدى “بحر الكلمات” ،والذي يستضيف إبداعات الأدباء ،ويعرض لإنتاج كبار والشعراء المبدعين من مختلف الدول العربية.،كما يهتم بتشجيع المواهب الشبابية الواعدة.
وننشر لها عبر منصة المساء أون لاين سطورا من قصيدتها العامية غربة روح..
غربة روح
غريب الدار والأهل والخلان
ودق كتير على كل البيابان
عايشه وحيدة في دنيا غدارة
ماليها الغش والزيف
من غير أمارة
غريب الدار وماليا فيها حبيب
يداوي جرحي اللي بينزف
ويكونلي طبيب
غريبه يادنيا وليه معنداني
وليه الفرح ناسيني ومايرسيني
على برة من تاني
دا القلب دبل من كتر أهاته
وعيوني أتحجر فيها الدموع
ولا بقي فارق معاها الحزن
ولاليل سواده تنوره شموع
عدي ياليل وميل على جبيني
وهات معاك سحابة صيف
تفرد جناحها وترسم البسمة
على قلبي اللي من كتر جراحه
صبح رهيف
قبل ماتيجي لحظة سكوت
وكل الكلام والأحاسيس
جوايا تموت
ويعدي في لحظة قطر الموت
وتقول ياريتني كنت عديت
من زمان
ورسمت سطور الفرح
فوق خطوط السماء
قبل مايفوت الأوان
ويغرد الطير أنشودة وداعي
ولحن حزين يتكتب لكنه
بدون عنوان