ولسه الحلم بيعافر
وب يسافر فى ساحه العمر
ومتمسك فى خيط لـّساه
صالب طوله مابين زنقه
فى شعُاع مكسور
بيتشاقىّ ويتلاقىّ بأيامه
ويغزل ألف طاقه نور
ويتمايل كما الدراويش
ويتوضى ب ريحة الماضى
ويتنسم يدوب طراطيش
وب يسلم على الأيام
وبيعاتب سنين رايحه
وسنين جايه وسنين تتلام
ويقرا أيه الكرسي
وبيسبح بأحلى كلام
ويدعى فى سره بالتساهيل
ويترنم بترنيمة صلاح الحال
يقّرب من حيطان اللغز
ويسأل نفسه ألف سؤال
يلاقّى الدايره معكوسة
بتسرح ب اليمين شمال
وتحت محيطها بتخبى
دهب خالص وبتوالس
وترفع قوسها للأندال
ف يتأمل
سواقى العمر كيف بتدوور
يلاقّى تروسها مزنوقه بألف خبور
ويلمح رقصه الغربان على القمه
ودايسه فى هويس مهجور
نسور وصقور
ف يتعجب من الساقيه
ورحله ترسها المزنوق
وينده ع الصقور ترجع
تِرجعّ حقها المسروق
ويسحب قوس بتمايل
ويتحايل ع الزمان يفوق
ويظبط بوصلة الدايره
ويعلن ثورة الأوضاع
ويكتب فى نواميسه
سطور ف قمة الإبداع
ولسه الحلم بيعافر
وبيسافر وفاتح للأمانى شعاع
* كاتب القصيدة: مدير القوافل المركزية وتنمية المجتمع بجامعة جنوب الوادى