»» المبدع مهندس “العامية”.. شاعر وزجال علي أرض القنال
»» من أهم اعماله الوطنيه : فى يوم نصرك ، انا ابنها ، متزعليش يا ام الشهيد، حكاية قنطراوى رايح جاى ، تعظيم سلام
تقرير ✍️ د.خالد محسن
معين إبداع أدباء وشعراء المحروسة لن ينضب أبدا ، وضيفنا في هذه السطور الشاعر والأديب المهندس الشاعر عزت الجندي عضو نادى أدب أجا.
ولد في قرية السلامية اجا دقهليه، وتخرج في جامعة المنصوره،ومسؤول إدارى فى مكتبة شبراويش الثقافيه،
ويطلق عليه أهل قريته ومحافظة الدقهلية لقب
المبدع”مهندس العاميه”.
قضي معظم فترات حياته بمنطقة القنال أرض الشهداء والابطال،مستهلما قصائده الوطنية من قصص كفاح وصمود أهالي مدينة الإسماعيلية و رموز المقاومة الشعبية بالقنطره غرب وشرق والاسماعيليه..
وللشاعر عزت الجندي إبداعات واعمال أدبية مهندس العامية.. شاعر وزجال علي أرض القنال اسهمت عبر مسيرة طويله في دعم قضايا الأدب والادباء ،واكتشاف ورعاية المواهب الشابه. له اسلوب رشيق في نسج حروف قصائده حيث أمتلك ناصية اللغه بمفردات قوية تجمع مابين الجزاله والبساطة كما أجاد توظيف تجارب وخبراته الحياتية في مختلف سياحاته الأدبية. ويري أن للأدب رسالة مجتمعية سامية تجسد افراحه واوجاعه وطموحاته ،ويجب أن يكون الأديب ايجابيا فاعلا معايشا لقضايا وهموم
وطنه.
كتب الشعر منذ الصبا ،ويكتب بالفصحى والعامية،لكن موهبته تنسجم مع شعر العاميه..
ومعظم اشعاره يقدمها في سياق ارشادى، نقدى، اجتماعى.
له انتاج أدبي كبير تتجاوز 100 قصيده،علاوة علي عشرات الخواطر والنصوص القصيرة .. شارك في كثير من اللقاءات على شاشات التليفزيون المصرى والفضائيات الخاصة..وتم تكريمه فى العديد من الندوات والأمسيات ،والحفلات الجماهيريه.
كما شارك في العديد من الأمسيات والفعاليات الأدبية،ومن أهم اعماله الوطنيه قصائد : يا غاليه علينا فى يوم نصرك ، انا ابنها ، متزعليش يا ام الشهيد، حكاية قنطراوى رايح جاى ، تعظيم سلام.
واهم اعماله الاجتماعيه قصائد : يا ابننا، الى من أغناهم الله، حكاية صابر ،سايقين وبنلف فيها ، لما الكورونا ، احنا ليه والحل ايه؟..
ومن اهم اعماله الدينيه قصائد : قرآننا ، ومحمد رسول الله ، الا الدين ، وحقك علينا يا نبينا ، والا العقيده ، لا تودعوه بالدموع..
وكتب للعروبه والعرب قصائد : اصحوا يا عرب ، حكاية الاقصى، يا أمنا يا اللى فى غزه ، كلنا مقصرين..وما يزال قلمه حى.. ومداده ينبض.. بعشق هذا الوطن.
مقتطفات..من عاميات الجندى
من قصيدة وطنيه فى حب مصر يقول :
* مش هبطل يا مصر كلام عنك…
* وهفضل بشعرى أغنيلك واغازلك…
* لو تعرفى عامل ايه فيا حبك…
* انتى عايشه فيا.. وساكن فى عنيا صورتك ورسمك..
* وبتوحشينى.. بتوحشينى حتى وانا فى حضنك..
ومن قصيدة (فى يوم نصرك) يقول :
* البلد دى بلدنا وساكنه فى دمنا..
* أوعوا البلد ظى تضيع مننا..
* دى لو ضاعت.. مش هنلاقى حته تانيه تلمنا…
* حبوها.. وابنوها.. واحموها…والله غيركو بيتمنوها..
* ومن قصيدة.. “يا من اغناكم الله” :
* يا من اغناكم الله… محدش واخد حاجه معاه…
* ليه لسه فينا فقير… وعندنا من الاغنيا كتير..
* سيبتوها ليه..؟.. كترت وعليت الآه… سيبتوها ليه تجوع الأفواه…؟
* سيبتوها ليه الصدور… تبوح باللى جواها كاتماه..؟
* سيبتوها ليه تسيل الدموع… سيبتوها ليه تجف الضروع..؟
* سيبتوه ليه اليتيم يهاتى وينادى… سيبتوها ليه تتمد الأيادى..؟
* ومن قصيدة (إحنا ليه):
* احنا ليه مبنعرفش قيمة الحبيب.. إلا بعد ما عننا بيغيب…
* وليه مبنكرمش حد وهو عايش… بنكرمه وهو عننا بعيد…
* وليه مبنهدهمش الزهور الا وهم فى القبور. ؟!
* وفى قصيدة (سايقين وبنلف فيها) يقول :
* سايقين وبنلف فيها…
وأكتر من حجمها بنديها..
* دنيا غروره وبتغرينا.. ومش كل حاجه بتدينا…
* وزادت البله… لما قلدنا غيرنا… ونسينا أصولنا وحكاوينا..
* نسينا موالنا… نسينا أحكامنا…غنينا أغانى مش أغانينا…
* غيرنا لهجتنا… خلعنا هدمتنا… بنرجع فى كلمتنا…حتى الأسامى مش أسامينا..!!.
* ومن قصيدة(اصحوا يا عرب…) يقول الجندي :
* اصحوا يا عرب…
* إصحوا وكفايه لهو ونوم… وفكروا فى الوطن والولد..
إصحى يا غاليه… إصحى يا أمى..
إصحى دى النومه طالت… شوفى غنمك… شوفى نوقك… شوفى جمالك… بلحك رطب والنخله مالت.. مطرك مطر والارض لانت.. عنبك خضر.. توتك ضلل… والساقيه دارت..
يلا اتحنى… يلا اتهنى…
عريسك العربى جالك…
***