مقدمة من الشيف نيفين عبد العزيز
المقادير:
2كوب ارز
2كوب ماء
مكعب مرقه
ربع كوب زبيب
ربع كوب بندق او اى نوع مكسرات نحبه وممكن زبيب فقط
2معلقة كبيرة سكر
توابل /ملح/فلفل اسمر/قرفة/توم بودرة/زنجبيل
الطريقة:
لو مش بنحب الماجى مش لازم ونستعمل كوب شوربة وكوب ماء بدل الكوبين الماء والماجى
نغسل الارز ونتركه بالماء ساعة
بعد ساعة نضع معلقتين السكر بحلة على النار ويبتدى يسيح السكر نقلب فيه الى ان يتكرميل يبقى بنى غامق ثم نضع 2كوب ماء والمرقة ورشة من كل التوابل وغلوة ونطفى
بحلة على النار نضع معلقة زبدة ومعلقة زيت وننزل بالمكسرات ونشوحها وناخد منها قليلا بطبق للتزين ونترك الباقى بالحلة وننزل عليها بالسائل اللى عملناه وكله يغلى ..نصفى الارز ونضعه ونقلب ونسويه عادى
#طريقة تحضير اللحمة:
المقادير:
نصف كيلو لحمة مفرومة
2معلقة كبيرة بقسماط ناعم
توابل/ملح/فلفل اسمر/توابل لحمة/كزبرة ناشفة/زنجبيل/قرفة/كبابة صينى
بصلة صغيرة مقطعة مكعبات
فلفل الوان مقطع مكعبات
طمطماية مقطعة مكعبات
2فص توم مفروم
الطريقة:
بطبق نضع اللحمة المفرومة وعليها البقسماط والتوابل وتخلط جيدا وتشكل كرات وكل كرة نضغط عليها لتاخذ شكل دائرى ونشوحها بطاسة على النار ونحمرها جيدا من الجهتين ونضعها بطبق ومكانها ننزل بالبصل ورشة ملح وعلى نار متوسطة ونشوح البصل الى ان يدبل نضع الفلفل الالوان ورشة من كل التوابل ماعدا الملح ونقلب الى ان يدبل الفلفل ثم نضع كوب ماء ويترك الى ان يتعصج البصل والفلفل اى يشرب كل السائل ثم ننزل بقطع اللحمة ونقلب كله ونطفى النار
بحلة تانية نشوح التوم وننزل عليه بمكعبات الطمطماية ونقلب تدبل الطماطم نضع نصف كوب ماء، وغلوة وننزل بيهم على اللحمة ورشة ملح ونقلب كله ويتعصج كله ونطفى وكده اللحمة جهزت نضع الارز بطبق وعلى الوجه اللحمة بالخلطة والمكسرات
- أحدث المقالات
- ترينـد
إعـــلان
