مقدم من الشيف ياسر
محشي الكرنب المسقي بشوربه الماسوره
المكونات
#محشي_الكرنب
لحمة – ماسورة مسلوقين
كرنب – ارز
خضرة مشكلة -بصل مفروم
طماطم – صلصة
ثوم مفروم
قرن فلفل حامي
زيت – سمنة -بصل مبشور
ملح – فلفل -كمون – كزبرة
بهارات – م ص سكر
طريقة التحضير
هاتي كرنبايه حلوة كده من السوق واسلقيها ومتنسيش تحطي في مايه السلق كمون
اسلقي اللحمه والماسورة الاول وظبطي شوربتهم
انزلي بالبصل المفروم في معلقه سمنه وشوية زيت ياخد تشويحه حلوة كده ويدبل وبعدين انزلي بالصلصه تاخد تشويحه مع البصل
-اضربي في الخلاط الطماطم مع التوم وقرن الفلفل الحامي وانزلي بيهم علي البصل ياخدوا تسبيكه ومتنسيش التوابل مع رشه السكر
-ادعكي البصل المبشور مع الارز ونفس التوابل وحطي التخديعه عليهم واحشي بيهم ورق الكرنب المسلوق
-هاتي الحله اللي هترصي فيها المحشي وشوحي فيها اللحمه المسلوقة في معلقة سمنة حلوة كدة ورصي عليهم المحشي وحطي مقدار المايه ااقل من المحشي وسيبيه ياخد سواه والف هنا وشفا
