أستنكر أحمد شوبير نجم مصر والنادي الاهلي الاسبق الشائعات السيئة التي تتردد حول مؤمن زكريا نجم مصر والاهلي السابق
وطالب أحمد شوبير مروجى الشائعات برفع أيديهم عن مؤمن زكريا نجم الأهلى بعد انتشار شائعة وفاته.
وقال شوبير :”انزعجت جداً من شائعة وفاة مؤمن زكريا، مؤمن تعبان ومنذ بضع سنين يجاهد مع المرض وبيحاربه يبقى أولى ندعمه ونقف جنبه مش نزيد محنته ونقول شائعات لا هدف منها سوى انزعاج محبيه.
أضاف شوبير قائلا : أنا حقيقى مش بحب أثقل على مؤمن واكلمه كل شوية بس بنتواصل بالواتس آب ومن 8 أيام لقيته بعتلى رسالة بيقولى كل سنة وأنت طيب فى عيد ميلادى ولما سألته عن صحته قالى ادعيلى”.
ويضيف شوبير: “عجبنى رد زوجة مؤمن لما قالت حسبى الله ونعم الوكيل فى اللى قال شائعة وفاته وفعلا معاها حق، السوشيال ميديا بقت مزعجة أوى وكداب اللى سماها مواقع تواصل اجتماعى لأنها عملت تباعد اجتماعى مش تواصل وساهمت فى زيادة الفرقة بين الناس، ابنى مثلا لما حصل العطل 6 ساعات لقيته نظف أوضته لأول مرة فى حياته لأنه مش لاقى حاجة يعملها لإن الفيس والواتس آب سرقوا وقتنا”.
