أنا المصري
سابق أنا عصري
والسهم لوراشق
جوايا وفي صدري
عمري م خاف من موت
وده عزي وده فخري
كفايه اسمك يا مصر رباني
وأول من كان للعمار باني
علشان كده قالوَلي عمامي وخلاني
في الصفوف قدام
واوعى تبقى ف يوم متخبي و مداري
*****
اللي كتب أول حرف للناس في كلمتهم
و اللي ستر الناس بكسوتهم
واللي سك للناس فلوسهم وعملتهم
النبي إدريس ده كان ابنك
وستنا هاجر كانت كمان نبتك
والنبي موسى كان ابن حتتهم
عيسى ويعقوب ويوسف
كانت مصر سكتهم
أنا الشهم وأنا الفالح
واللي حيتغم يشرب من المالح
أنا المصري
سابق أنا عصري
****
كل خزاين الأرض عنديها
ولما جاعت الدنيا
مصر قالتها أنا رح اكفيها
قللي بس من حيبقي زييها ادخلو مصر ان شاء الله آمنين
وأول واخر صوت لخالق الخلق للبشر كان في واديها
والقرآن كفاية علا مقداري
أنا المصري
سابق أنا عصري
