مقدمة من الشيف فاطمه احمد
المقادير..
كوب ونص دقيق
معلقه كبيرة بيكنج بودر
رشه ملح
٢ معلقه كبيرة سكر
معلقه صغيرة خل
٢ عدد بيضه
باكو فانيليا
كوب حليب
ربع كوب زيت
صوص شيكولاته أو كراميل
الطريقه:
في طبق عميق ننخل الدقيق والبيكنج بودر والملح
وفي الخلاط او المضرب نضرب الزيت والسكر والبيض والفانيليا والخل والحليب ونضربهم جيدا ثم نضيف الخليط علي الدقيق ونخفقهم جيدا مع بعض لحد ما يتجانسو وتكون العجينه متماسكه ثم نحضر طاسه تيفال وعلي نار هاديه نضع الطاسه وندهنها بزيت او سمن وناخد شويه بمغرفه صغيرة من العجينه وننزل بها في نص الطاسه ونوطي النار واول ما اللون يبقي دهبي نقلبه علي الوجه الثاني لحد ما يبقي لونها دهبي ونكرر العمليه في باقي العجينه وبعد ما تخلص نبدأ نزينها بصوص شيكولاته او صوص الكراميل وممكن بفواكهه متقطعه شرائح مثل الفراوله او الموز وبالهنا والشفا