تعرفى على طريقة تحضير صينية مكرونة بالسجق بالفلفل الألوان علي شكل بيتزا مقدمة من الشيف سهام الحشاش
المقادير:
مكرونه مسلوقه
ميكس جبن
٢ عود زعتر
زيتون اخضر
شرائح مدوره فلفل الوان (احمر واخضر)
نصف كيلو سجق
بصله كبيره مقطعه مكعبات
فلفل الوان مقطع مكعبات
نصف ثمرة فلفل حار
ملعقتين كبار صلصه
ملعقه كبيره ثوم مهروس
فلفل اسود وملح
ملعقتين زيت وزبده
ملعقه صغيره حبهان بودره
٣ملاعق كبار دقيق
٣ كوب لبن
الطريقه:
ننزل بالزيت وقطعه زبده فى طاسه على البوتجاز وننزل بالسجق ونشوح السجق ونبدا نضيف البصل والثوم ونقلب ونبدا ننزل بالفلفل الألوان ونضيف رشه بسيطه من الفلفل الاسود وننزل بمعلقتين الصلصه
البشاميل:
ننزل بزبده وزيت فى حله على البوتجاز ونضيف الدقيق ونقلب ونبدا ننزل باللبن ونضيف الحبهان البودره والملح والفلفل الأسود ونقلب بالمضرب حتى يصبح قوامه ولا خفيف ولا تقيل ونضيف معلقتين من ميكس الجبن
ثم نحضر صينيه مدهونه زبده ونضيف المكرونه على السجق ونضيف عليها ٤ ملاعق بشاميل ونقلبها وننزل بها في صينيه مدهونه زبده و نضيف طبقه بشاميل وميكس الجبن وشرائح الفلفل الوان وعود الزعتر وندخلها الفرن لحد ماتاخد اللوان من فوق وتحت ونقدمها في طبق التقديم.